Iginniarfik

Iginniarfik Kangaatsiamiit 40 km-it missiliorlugit kujalliuvoq, Ikerasaarsummiillu 15 km-it missiliorlugit kangilliulluni, qeqertaasallu Alanngorsua-nik atillup kujammut sammisortaaniilluni. Nunaqarfik asimioqarfittut tunngavilerneqarpoq 1850-p missaani, ilisarnaatigalugulu pissutsit aallaavigalugit nerumaartumik silaannaqarnini.

Nunaqarfik kangerluarannguamiippoq illugiinnillu imartaqarluni. Nunaqarfiup pisoqartaa narsaamanertamiippoq avannamut sivingasuumik qaqqajunnartalimmi.

Nunaqarfiup anguniagai (pingaartitat, ineriartornermi anguniakkat il.il.)

Iginniarfimmi sullissinermi pissutsit atuuttut inissatigullu neqeroorutit nunaqarfiup alliartorneranut naleqqussarneqassapput. Inuussutissarsiutinik ineriartortitsineq tapersersorneqassaaq pingaartumik, aalisartunut, tunisassiorfimmilu naammattunik inissaqartitsisoqarneratigut. Ingerlaarfiusinnaasut aqqusineeqqallu pitsanngorsarneqassapput, taamatullu eqqaavilerineq aaqqiivigineqassaaq.

Innuttaasut ineqarnerlu

Iginniarfik 82-nik inoqarpoq ulloq 01.2 2013. Nunaqarfik 1990’kkunni annertuumik alliartorpoq, 2005-illi kingorna innuttaasut amerlassusaat sukkasuumik appariartulerpoq (18 %-mik). Tallimaniit 19-nut ukiullit amerlapput, 65-illi qaangerlugit ukiullit ikittuaraannaallutik.

Siunissamut sammisumik innuttaasut amerleriaateqarnissaat naatsorsuutigineqanngimmat, pilersaarusiorfiup ingerlanerani pingaarnertut pisariaqartinneqassaaq, isaterinernut atatillugu nutaanik illuliortoqartarnissaa.

Nunaqarfiit Kangaatsiamut atasut, katillutik 213-nik inoqutigeeqarput, Niaqornaarsuup illuliorfigineqarsimanera annermik ilaqutariit ataasiakkaat illuinik siammasissunik toqqammaveqarpoq. Nunaqarfik utoqqarnut sisamanik inissiaqarpoq.

Nunaqarfimmi nunaminertat illuliorfiusimasut marluusut ataatsimut isigalugit sanaartorfigineqanngingajapput, siunissamilu pilersaarusiornermi annikillisinneqarsinnaallutik. Nunaqarfimmi illuliorfissanut inissaq sinneruttoq naammalluartutut naatsorsuutigineqarpoq, taannalu piffissami pilersaarusiorfiusumi 2026-p tungaanut pisariaqartitsinermut naammappoq.

Inuussutissarsiutit umiarsualivillu

Innuttaasut amerlanersaat pingaarnertut piniarnermik aalisarnermillu inuussutissarsiuteqarput, nunaqarfik aalisakkeriveqaranilu/tunisassiorfeqanngilaq. Aalisarnerup piniarnerullu sanitigut suliffissat makkununnga attumassuteqarput, pisortat ingerlatsivii, atuarfik sullisiviillu.

Kangaatsiap nunaqarfittaani sisamaasuni suliffiusinnasut ataatsimut isigalugu (30 %-i) ataateqqavaat, tamanna kommunip agguaqatigiissitsinermi (42 %-mi) inissisimaneranit aappasinnerungaatsiaqaaq, akerlianik suliffissarsiortut (11 %-usut) agguaqatigiisitsinermi (6 %-imit) qaffasinnerungaatsiaqisut. Sulisinnaassusillit suliffeqarfinnut assigiinngitsunut agguaassimanerat pillugu, kisitsisinik paasissutaasinnaasunik nassaassaqanngilaq

Umiarsualivik malingiaateqarpoq.

Kommuneplani malillugu inissamik inuussutissarsiutinut atugassamik sinneruttoqanngilaq

Angallannermi periarfissat sullissinerlu

Nunaqarfik helistop-eqarpoq, Air Greenland-ip ukiuunerani upernaakkullu kiffartuussivigisartagaanik. Maajimiit Oktobarimut, Aasiaat Kangaatsiallu akornani, umiarsuit atorlugu ilaasunik nassiussanillu angalassisoqartarpoq, malingiaat nassiussanut ilaasunullu atorneqartarpoq. Nunaqarfik annikitsuinnarneq qallersuutitaqanngitsunik aqqusineqarpoq.

Imermik pilersuineq, nilaat atorlugit nunaqarfiullu kujataatungaaniit tatsimiit imermik assartorluni isumagineqartarpoq. Aammattaaq nunaqarfik innaallagissiuuteqarpoq, tassanngaannillu innaallagissap aqqutaasa annertusarneqarnissaat pilersaarutaavoq. Eqqaavinnut kuuffilersugaanngilaq. Ullunerani unnuakkullu kiisalu naajuitsunik (kemisk) saviminikullu eqqakkat, eqqaavissuarmi katersorneqartarput.

TELE Greenlandip oqarasuaatit assigissaallu atorlugit attaveqarneq isumagisaraa.

Nunaqarfimmi sullissinermik ingerlatsivinnut ilaapput pisiniarfeerannguaq aamma nunaqarfiup allaffia (B710). Atuarfiup illutaaniipput, niviarsiamut nakorsiartarfik atuarfillu oqaluffiuutigisoq.  Meeqqanik paarsisarneq angerlarsimaffimmi paarsisarneq aqqutigalugu ingerlataavoq.

Ilinniartitaaneq

Atuarfik – Atuarfik Iginniarfik –22-it missiliorlugit atuartoqarpoq atualeqqaaniit 9. klassimut.

Kulturi sunngiffillu

Atuarfitoqaq (B53) nunaqarfiup katersortarfiatut atorneqarpoq. Taassuma saniatigut arsaattarfeqarpoq nunaminertami nunaqarfiup kujataatungaani maninnersami atsinnerusumiittumi, helistop-ip eqqannguani.  Iginniarfimmi eriagisarialinnik eqqissisimatitassanilluunnit toqqaasoqarnikuunngilaq.

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 29-3-2017