0003-K24 Qeqertat

Immikkoortitap normua K24 
Sumiiffik - illoqarfik / nunaqarfik Nunaannaq (Det aabne land) 
Siunertaq Illuaqqat, sunngiffimmi sammisassaqartitsiviit assigisaallu 
Atorneqarnissaa immikkut ittumik Illuaqqat, illut aasarsiortarfiit 
Atorneqarnissaa Nunaminertaq atorneqassaaq sunngiffimmi illuaraateqarfittut illunullu aasarsiortarfinnut, tassa ukioq kaajallallugu najugaqarfissianngitsunut.
Nunaminertaq tamanna aamma annertunngikkaIuamik turistit illuaraannik, piniartut illuaraannik illuaqqanillu ajornartorsiulernermi oqquiffiusinnaasunik pilersitsivigineqarsinnaavoq, sunngiffimmi illuaraateqarfittut illunillu aasarsiortarfinnik sanaartorfigineqarsinnaaneranut akorngutaanngitsumik.
Atortussanik pilersitsivigineqarsinnaavoq annertunngikkaluamik inuussutissarsiornermut atorneqarsinnaasunik, soorlu ikaanik, pujoorivinnik, naatitsivinnik assigisaannillu, tassa nammineq atugassaannarnut atortussanik. Atortussiat illuaqqamut qanittumiitinneqassapput 
Pissutsit atuuttut Nunaminertaq ilaatigut sanaartorfiuvoq 
Sanaartorfik Illuaqqat illuaqqamut sanilimut qaninnerpaamut minnerpaamik 60 meterinik ungasissuseqassapput.
Illuaqqat sunngiffimmi sammisassaqartitsiviit illullu aasarsiortarfiit annerpaamik ataatsimik affarmillu quleriilinngorlugit sananeqassapput, tassa qaliaasaatigut ineerartaqartinneqarsinnaallutik, illup qaavani qaliat naapiffii 7,5 meterinik portunerussanngillat.
Illuaqqat annerpaamik 20 m²-inik initussuseqassapput.
Illut aasarsiortarfiit annerpaamik 100 m²-inik initussuseqassapput.
Turistinut illuaqqiat annerpaamik 60 m²-inik initussuseqassapput.
Toqqaviit annerpaamik pukkinnerpaaffimmikkut 1 meterimik portussuseqassapput.
Illuliaq asiunaveersartuarneqassaaq sumiiffimmini takussunarsaataaleqqunagu 
Inissaq sinneruttoq Nunaminertaq tamarmi 340 ha-t missattut angissuseqarpoq
Sanaartukkat naammassineqarnerminni isikkuat apeqqutaalluni nunaminertap sinnerani illuaraqarpoq 100 –it missaannik.
Sanaartorfissat qulaani taaneqartut atorneqareerpata tamakkiisumik sanaartorfiusimasutut sanaartorfissaaruttutullu isigineqassaaq 
Angallanneq pilersuinerlu Aqqusinniornissaq, bilerfiusinnaasunik aqqusiornissaq, aqqusineeraliornissaq, talittarfiliornissaq ataatsimoorussamilluunniit teknikkikkut pilersuiviliornissaq inerteqqutaavoq.
Teknikkikkut atortugissaarusersornerit taamaallat illuaqqanut ataasiakkanut atatinneqartut pilersinneqarsinnaapput. Tassaasinnaallutik innaallagissiuutit generatorit seqerngup qinngorneri atorlugit innaallagissiuutit assigisaallu innaallagissamik pilersuutaasinnaasut.
Innaallagissamik pilersitsissutaasinnaasut minnerit suulluunniit aatsaat pilersinneqarsinnaapput qanittumi illuaraatilinnut nipiliornermikkut, pujuliornermikkut, tipiliornermikkut sajuppilutsitsinermikkulluunniit akorngusersuutaanngippata.
Eqqagassat angerlaanneqassapput ikuallanneqassallutilluunniit. Ikuallaanerup sanaartukkanut allanut pinngortitamullu navianartorsiortitsiviunnginnissaa allanullu akorngutaannginnissaa nakkutigineqassaaq.
Qattat anartarfissiat anartarfittut atorneqassapput, imaannik imaanut eqqaanermi, nungujartortitsinermi allanut akorngusiinnginnissaq pinngortitamillu mingutsitsinnginnissaq sianigineqassaaq. Illuni pioreersuni kuutsittakkanik anartarfilinni kuutsitap taamatuttaaq iginneqarnissaa isumagineqassaaq 
Eqqissisimatitat allanngutsaaliukkallu Immikkut aaliangersagartaqanngilaq 
Immikkut aalajangersaaffigisat Immikkut aaliangersagartaqanngilaq 
Immikkut aalajangersakkat Immikkut aaliangersagartaqanngilaq 


Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 6-9-2016