0003-L10 Ilimanannguaq

Immikkoortitap normua L10 
Sumiiffik - illoqarfik / nunaqarfik Nunaannaq (Det aabne land) 
Siunertaq Sammisassaqartitsivissatut pingaaruteqartut 
Atorneqarnissaa Nunaminertaq atorneqassaaq najugaqarfiliornermut atortussanullu sunngiffimmi sammisassaqartitsivinnut nunaminertami immikkut sammisassaqartitsivissatut piukkunnassusilinni.
Immikkoortoq L10 takornarissat illuaraannut atorneqassaaq. Illuaqqanik atuinermut atatillugu pisariaqartillugu ataatsimut atugassat tungaasigut annertunngitsumik naleqqussaasoqartarsinnaavoq.
Immikkoortup iluani sumiiffiup pilersorneqarnerani atugassanik teknikkut atortuusersuisoqassaaq. Atortuutissat sanaartukkat nunaminertallu atorneqanngitsut eqqarsaatigalugit ilusinersorneqarlutillu inissinneqassapput. 
Pissutsit atuuttut Nunaminertaq pissuseqqaamisut isikkoqarpoq sulilu sanaartorfiunani 
Sanaartorfik Nunaminertami L10-mi nutaanik sanaartortoqarsinnaalerpoq sanaartorfissat minnerpaamik 30 meterinik imminnut akunnilerlugit, tamanna takuneqarsinnaavoq takussutissaq aalajangersakkat erseqqinnerusut mi. Nunaminertamiissinnaapput takornariat illuaraat 10-t.
Immikkoortup L10-ip iluani nutaanik illuaraliortitertoqassaaq 1-inik etagelinnik. Illup qimerluanut nunamiit 5,5-mik portussusilinnik.
Immikkoortup L10-ip iluani sanaartugassat nunaqarfimmi sanaartukkanut allanut naleqqussarneqassapput illut ataasiakkaat isikkivii ataqqillugit. 
Inissaq sinneruttoq Nunaminertaq tamarmi 2 ha-t missattut angissuseqarpoq
Sanaartukkat naammassineqarnerminni isikkuat apeqqutaalluni nunaminertap sinnerani illuaraqarpoq 10–it missaannik.
Sanaartorfissat qulaani taaneqartut atorneqareerpata tamakkiisumik sanaartorfiusimasutut sanaartorfissaaruttutullu isigineqassaaq 
Angallanneq pilersuinerlu Aqqusinioreersut allineqarlutillu pitsanngorsineqartut atorneqassapput. 
Eqqissisimatitat allanngutsaaliukkallu Immikkut aaliangersagartaqanngilaq 
Immikkut aalajangersaaffigisat Immikkut aaliangersagartaqanngilaq 
Immikkut aalajangersakkat Immikkut aaliangersagartaqanngilaq 


Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 6-9-2016