Uaniipputit: Saqqaa Illoqarfiit nunaqarfiillu pilersaarutaat Nunaminertanut pilersaarutit Akuerisaq 1000-A09

1000-A09  Edvard Johansenip Aqq.

Sumiiffik - illoqarfik / nunaqarfik
Aasiaat

Siunertaq
Najugaqarfiit

Atorneqarnissaa immikkut ittumik
Akuttunerusunik pukkitsunik inissialiornerit

Atorneqarnissaa
Aaliangiunneqarpoq nunaminertaq illuliorfissatut atorneqassasoq, ilaqutariit illuinik akuttusuunik, pukkitsunik illulioriaaseq atorlugu sanaartorfittut

Pissutsit atuuttut
Nunaminertap annertussusiata 3 ha missiliorpaa

Sanaartorfik
Nutaanik sanaartortoqarsinnaavoq quleriinnik ataatsimik affarmillu portussusilinnik.

Inissaq sinneruttoq
Nunaminertaq illunut 5-nut inissaqarpoq, illuliat inaarutaasumik ilusilersorneqarnissaat apeqqutaatillugu. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik

Angallanneq pilersuinerlu
Nunaminertaq aqqusinertigut maanngaanniit sullinneqarpoq Killerpaat, Sissakkooriaq aamma Edvard Johansenip Aqq.

Eqqissisimatitat allanngutsaaliukkallu
B-396 eriagisarialiuvoq. Illu taanna ingutserneqassanngilaq silatimigulluunniit allanngortinneqassanani kommunalbestyrelsi akuersiteqqaarnagu

Immikkut aalajangersaaffigisat
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 61,0 meteri aqqusernillu kote 55,0 qaangerlugu pilersitsivigeqqusaanngitsumi.

Immikkut aalajangersakkat
Sanaartukkat nutaat nunaminertami illunut pioreersunut naleqqussarneqassapput, inissisimaffi, ilusaat sanaartornermilu periaaseq atorneqartoq eqqarsaatigalugu. Immikkut sianigineqassaaq, ullumikkut sanaartukkat akuttusumik inissisimanerisa attatiinarneqarnissaa. Nunaminertaq illut B-61/B-62, B-453 aamma B-1047 akornanniittoq nunaminertatut sanaartorfiusussaanngitsutut inissimassaaq ilutsinni atuinnarlugu

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 23-5-2017