1000-A25 Kangerlunnguup Tasersua

Immikkoortitap normua A25 
Sumiiffik - illoqarfik / nunaqarfik Aasiaat 
Siunertaq Najugaqarfiit 
Atorneqarnissaa immikkut ittumik Akuleriinnik inissiaqarfik 
Atorneqarnissaa Aaliangiunneqarpoq nunaminertaq illuliorfissatut atorneqassasoq, ilaqutariit illuinik akuttusuunik, pukkitsunik illulioriaaseq atorlugu sanaartorfittut, pukkitsunik akulikitsunik affarleriiaanik assigisaannilluunnit sanaartorfittut aamma inissianik quleriaanik 
Pissutsit atuuttut Nunaminertap annertussusiata 9 ha missiliorpaa 
Sanaartorfik Nutaanik sanaartortoqalinnginnerani, nunaminertaq tamarmi pilersaarusiorfigineqareersimassaaq, sanaartukkat ilusissaannik, annertussusissaannik inissinneqarfissaannillu aaliangiiffiusumik, kiisalu nunaminertap ineriartornissaanut sukumiisunik malittarisassaliortoqarsimassalluni 
Inissaq sinneruttoq Nunaminertami inissaq sinneruttoq 50-nut inissaqarpoq, illuliat inaarutaasumik ilusilersorneqarnissaat apeqqutaatillugu. Sanaartorfissatut priarfissat qulaaniittut tamakkerneqareerpata, nunminertaq tamakkerluni sanaartorfiusimasutut natsrsuutigineqalissaaq, inissamik sinneqarfiunngitsumik 
Angallanneq pilersuinerlu Nunaminertaq Kangerlunnguamut aqqusernaniit aqqusinertigut sullinneqassaaq 
Eqqissisimatitat allanngutsaaliukkallu Immikkut aaliangersagartaqanngilaq 
Immikkut aalajangersaaffigisat Nunaminertaq imeqarfimmut killigititaqarpoq. Killigititaq illoqarfiup tunummut killinganiit 30 meterinik ungalliulluni ingerlavoq. Killigititap iluani illuliorneq, sanaartorneq, qimmiliveqarnerluunniit inerteqqutaapput.
Nunaminertaq qaartiterutissaasivinnut isumannaallisaanermut killigititap iluaniippoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani.
Qaartiterutissaasiviit eqqaani angalanermi isumannaallisaanermut killigititaq ataqqineqassaaq, taamaattorli ungaluukkanik assiaqutserneqarsimanngitsup iluani angalaartoqarsinnaajuaannassaaq.
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 61,0 meteri aqqusernillu kote 55,0 qaangerlugu pilersitsivigeqqusaanngitsumi 
Immikkut aalajangersakkat Nunaminertap kitaatungaa qaartiterutissaasivimmut isumannaallisaanermut killigititap iluaniippoq aatsaallu atorneqarsinnaalluni, illoqarfiup qaartiterutissaasivia sumiiffimmi allami inissisimaffeqarpat. Nunaminertap ilaa, imeqarfimmut killigititamut ilaasoq, sanaartorfigineqarsinnaanngilaq ingerlatanullulluunnit allanut atorneqarsinnaanani, Nuna Tamakkerlugu Pilersaarusiortarfimmiit akuersissumik immikkut ittumik pissarsisoqarsimatinnagu imaluunniit killigititaq atorunnaarsinneqarsimatinnagu. 


Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 6-9-2016