Uaniipputit: Saqqaa Illoqarfiit nunaqarfiillu pilersaarutaat Nunaminertanut pilersaarutit Akuerisaq 1000-B17

1000-B17  Kangerlunnguup eqqaani inuussutissarsiuteqarnermik ingerlatsivik

Sumiiffik - illoqarfik / nunaqarfik
Aasiaat

Siunertaq
Inuussutissarsiornermut atorneqartut umiarsualiveqarfiillu

Atorneqarnissaa immikkut ittumik
Sumiiffiit inuussutissarsiornermut atorneqartut

Atorneqarnissaa
Aaliangiunneqarpoq nunaminertaq inuussutissarsiutinik ingerlataqarnissamik siunertanut, allaffissornerup, suliffissuaqarnerup, sulisitsisup sulliffiutaanut, quersuarnut, assassornermut, iluarsaassisarfinnut, tunisassiornermut, assartuinerullu iluini ingerlatanut atorneqassasoq. Nunaminertaq aamma toqqorsiveqarfittut atorneqarsinnaavoq (kisianni eqqagassanuunngitsoq). Teknikkikkut atortulersuutinik immikkoortortami pilersuinermut atorneqarsinnaasunik pilersitsisoqarsinnaavoq. Sanaartorneqartut nunaminertami siunertaareersunut illoqannginnersanullu akorngutaatinneqassanngillat.

Pissutsit atuuttut
Nunaminertap annertussusiata 17 ha missiliorpaa

Sanaartorfik
Nutaanik sanaartortoqarsinnaavoq annerpaamik 15,0 meterinik portussusilinnik

Inissaq sinneruttoq
Nunaminertami inissaq sinneruttoq 15.000 m²-uvoq sanaartukkat inaarutaasumik ilusilersorneri apeqqutaatillugit. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik

Angallanneq pilersuinerlu
Nunaminertaq aqqusinertigut sullinneqassaaq Poul Bjergsvej-imiit aamma Kangerlunnguamut

Eqqissisimatitat allanngutsaaliukkallu
Immikkut aaliangersagartaqanngilaq

Immikkut aalajangersaaffigisat
Nunaminertaq imeqarfimmut killigititaqarpoq. Killigititaq illoqarfiup tunummut killinganiit 30 meterinik ungalliulluni ingerlavoq. Killigititap iluani illuliorneq, sanaartorneq, qimmiliveqarnerluunniit inerteqqutaapput.
Nunaminertaq qaartiterutissaasivinnut isumannaallisaanermut killigititap iluaniippoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani.
Qaartiterutissaasiviit eqqaani angalanermi isumannaallisaanermut killigititaq ataqqineqassaaq, taamaattorli ungaluukkanik assiaqutserneqarsimanngitsup iluani angalaartoqarsinnaajuaannassaaq.
Nunaminertaq tele-p atortuinut tunngatillugu, akornusersuuteqartoqannginnissaanut killigititap iluaniippoq. Akornusersuuteqartoqannginnissaanut killigititaq allanngersimasuunngilaq, apeqqutaatillugu tele-p atortui sumi inissinneqarsimanersut. Nunaminertap ilaa tamanna sanaartorfigineqassanngilaq, allatulluunniit akornusersuuteqartoqannginnissaanut killigititanut aaliangersakkanut akerliusumik, atorneqassanani.
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 61,0 meteri aqqusernillu kote 55,0 qaangerlugu pilersitsivigeqqusaanngitsumi

Immikkut aalajangersakkat
Nunaminertap kitaatungaa qaartiterutissaasivimmut isumannaallisaanermut killigititap iluaniippoq aatsaallu atorneqarsinnaalluni, illoqarfiup qaartiterutissaasivia sumiiffimmi allami inissisimaffeqarpat. Nunaminertap ilaa, imeqarfimmut killigititamut ilaasoq, sanaartorfigineqarsinnaanngilaq ingerlatanullulluunnit allanut atorneqarsinnaanani, Nuna Tamakkerlugu Pilersaarusiortarfimmiit akuersissumik immikkut ittumik pissarsisoqarsimatinnagu imaluunniit killigititaq atorunnaarsinneqarsimatinnagu. Nunaminertami illuliorneq sanaartornerlu aatsaat ingerlanneqarsinnaapput, qimmiliviit pioreersut sumiiffinnut allanut nuunneqareerpata

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 23-5-2017