1000-C15 Aasiaat Nugguat

Immikkoortitap normua C15 
Sumiiffik - illoqarfik / nunaqarfik Aasiaat 
Siunertaq Qitiusumik ingerlatsiveqarfiit ataatsimoorussamillu pisoqarfiusartut 
Atorneqarnissaa immikkut ittumik Ataatsimoorfissatut siunertallit 
Atorneqarnissaa Aaliangiunneqarpoq nunaminertaq qitiusumi ingerlatanut pisiniarfinnut, pisortat namminersortullu sullissiviinut, illunut, hotel-inut, neriniartarfinnut aamma pisortat allaffeqarfiinut inuleriviinullu atorneqassasoq. Nunaminertaq aamma teknikkikkut atortunik nunaminertap atorneqarnissaanut iluaqutaasussanik sanaartorfigineqarsinnaavoq. Pilersinneqartussat inissinneqarlutillu ilusilerneqassapput sanaartugassanut illoqwannginnersaasussanullu ajoqutaanngitsumik. 
Pissutsit atuuttut Nunaminertap annertussusiata 125 ha missiliorpaa 
Sanaartorfik Nutaanik sanaartortoqalinnginnerani, nunaminertaq tamarmi pilersaarusiorfigineqareersimassaaq, sanaartukkat ilusissaannik, annertussusissaannik inissinneqarfissaannillu aaliangiiffiusumik, kiisalu nunaminertap ineriartornissaanut sukumiisunik malittarisassaliortoqarsimassalluni 
Inissaq sinneruttoq Nunaminertaq illunut 330-nut 20.000 m2-nillu inissaqarpoq, illuliat inaarutaasumik ilusilersorneqarnissaat. Sanaartorfissatut prriarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsrsuutigineqalissaaq, inissamik sinneqarfiunngitsumik 
Angallanneq pilersuinerlu Nunaminertaq taamaallaat Kangerlunnguamut aqqusernaniit aqqusinertigut sullinneqarsinnaavoq 
Eqqissisimatitat allanngutsaaliukkallu Immikkut aaliangersagartaqanngilaq 
Immikkut aalajangersaaffigisat Nunaminertaq imeqarfimmut killigititaqarpoq. Killigititaq illoqarfiup tunummut killinganiit 30 meterinik ungalliulluni ingerlavoq. Killigititap iluani illuliorneq, sanaartorneq, qimmiliveqarnerluunniit inerteqqutaapput.
Nunaminertaq qaartiterutissaasivinnut isumannaallisaanermut killigititap iluaniippoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani.
Qaartiterutissaasiviit eqqaani angalanermi isumannaallisaanermut killigititaq ataqqineqassaaq, taamaattorli ungaluukkanik assiaqutserneqarsimanngitsup iluani angalaartoqarsinnaajuaannassaaq.
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 61,0 meteri aqqusernillu kote 55,0 qaangerlugu pilersitsivigeqqusaanngitsumi.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu tumaajusamik taaneqartartumut ilaalluni, illut sanaartukkallu allat, narsaamanerup narlusuup avasinnersaani killilersutiniit ilorrap tungaanut sivinganerisa, portussutsimikkut qaffasinnerpaaffissaasa (kipkote) assigiinngisitaarfigisaanni. 
Immikkut aalajangersakkat Nunaminertap avannaatungaa qaartiterutissaasivimmut isumannaallisaanermut killigititap iluaniippoq aatsaallu atorneqarsinnaalluni, illoqarfiup qaartiterutissaasivia sumiiffimmi allami inissisimaffeqarpat. Nunaminertap ilaa, imeqarfimmut killigititamut ilaasoq, sanaartorfigineqarsinnaanngilaq ingerlatanullulluunnit allanut atorneqarsinnaanani, Nuna Tamakkerlugu Pilersaarusiortarfimmiit akuersissumik immikkut ittumik pissarsisoqarsimatinnagu imaluunniit killigititaq atorunnaarsinneqarsimatinnagu. 


Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 6-9-2016