Uaniipputit: Saqqaa Illoqarfiit nunaqarfiillu pilersaarutaat Nunaminertanut pilersaarutit Akuerisaq 1200-C23

1200-C23 

Sumiiffik - illoqarfik / nunaqarfik
Ilulissat

Siunertaq
Qitiusumik ingerlatsiveqarfiit ataatsimoorussamillu pisoqarfiusartut

Atorneqarnissaa immikkut ittumik
Sumiiffiit qitiusoqarfiit

Atorneqarnissaa
1. Sumiiffinni qitiusoqarfinni illoqarfinni suliaqarfiit ilanngunneqarsinnaapput, soorlu pisiniarfiit, aningaasarsiutigalugit suliaqarfiit, nakorsiartarfiit, sullissinerit, pisortat allaffii, inissiat, hotelit, neriniartarfiit, biilit unittarfii aamma teknikkimut atortut pisariaqartinneqartut assigisaallu.

Avatangiisimut ajoqutaanngitsut inuussutissarsiornermik ingerlatsinerit aammattaaq ilanngunneqarsinnaapput, soorlu sulliveqarfiit assassornermillu ingerlatsiviit, toqqorsiviit, assartuinermik ingerlatsinerit assigisaallu.

2. Nunaminertat sanaartorfiunngitsut siunertanut allanut atugassiaanngitsut, sanaartorfiusussaanngitsutut ataatsimoorussamik atugassatut aaqqissuunneqarsinnaapput ilusilerneqarsimassallutillu sumiiffiup inissisimaneranut atorneqarneranullu tulluartumik.

Pissutsit atuuttut
Nunaminertap annertussusiata 4,4 ha
missiliorpaa

Sanaartorfik
Sanaartugaq annerpaamik 3-itut quleriinngorlugu sanaqqusaavoq, 15 meterinik portunerpaaffilerlugu.

Inissaq sinneruttoq
1. Immikkoortumi nutaanik sanaartortoqaqqusaavoq ilanngussaq 5-imi takutinneqartutuut. Nunaminertaq illunut 100-nut 15.000 m2-nillu inissaqarpoq, illuliat inaarutaasumik ilusilersorneqarnissaat apeqqutaatillugu.

2. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik.

Angallanneq pilersuinerlu
1. Nunaminertaq aqqusinertigut maanngaanniit sullinneqarpoq Mittarfimmut Aqqutaa.

2. Immikkoortumi aqqusinermut nutaamut 16 meterisut ikertutigisumut nunaminertamik innimissiisoqassaaq, tunngavissiami nunap assingani lanngussami 1-imi takutinneqartutuut.

Eqqissisimatitat allanngutsaaliukkallu
Immikkut aalajangersagartaqanngilaq

Immikkut aalajangersaaffigisat
1. Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.

Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aamma aqqusernit portunerpaaffissaat (kipkote), mittarfimmit qanoq unngasissuseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput.

Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 67,0 qaangerlugu pilersitsivigeqqusaanngitsumi.

2. Mittarfimmut Aqqutaa aqquserngup sanaffissaatut killiliussamut ilaavoq. Taamaattoq aqquserngup sanaffissaatut killiussami biilinut unittarfinnik, usingiartarfinnik assigisaanillu, aqquserngiortoqarnissaa sioqqullugu, pilersitsisoqarsinnaavoq. Aqqusinermi nutaami aqquserngup qeqqaniit uuttorlugu aqquserngup sanaffissaatut killiulissaq 12 m-iussasoq aalajangersarneqarpoq.

Immikkut aalajangersakkat
Immikkut aalajangersagartaqanngilaq

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 31-8-2017