1500-B01 Napparutaarneq

Immikkoortitap normua B1 
Sumiiffik - illoqarfik / nunaqarfik Uummannaq 
Siunertaq Inuussutissarsiornermut atorneqartut umiarsualiveqarfiillu 
Atorneqarnissaa immikkut ittumik Sumiiffiit inuussutissarsiornermut atorneqartut umiarsualiveqarfiillu 
Atorneqarnissaa Aaliangiunneqarpoq nunaminertaq inuussutissarsiutinik ingerlataqarnissamik siunertanut, allaffissornerup, suliffissuaqarnerup, toqqorsiveqarnerup, assassorluni sulinerup, iluarsaassisarfeqarnerup, nioqqutissiornerup, assartuinerup inissititeriffeqarnerullu iluini ingerlatanut kiisalu umiarsualiveqarnermi siunertanut, soorlu talittarfinnut sissarsuarnullu, quersuarnut umiarsualivimmilu ingerlatanut allanut assingusunut atorneqassasoq. Imartaa kisarsimaarfittut pituttortarfittulluunniit atorneqarsinnaavoq 
Pissutsit atuuttut Nunaminertap annertussusiata 2 ha missiliorpaa 
Sanaartorfik Nutaanik sanaartortoqarsinnaavoq annerpaamik 11,0 meterinik portussusilinnik sanaartorfiup kujataa tungaani, sanaartorfiulli kangiata tungaani 20,0 meterimik portussusilinnik sanasoqarsinnaalluni.
Imertaqarfiit pisariaqartitat immersorneqarsinnaapput. Immersuineq makittarissutut ilusilerlugu naammassissaaq. 
Inissaq sinneruttoq Nunaminertaq illunut 4.000 m2-nut inissaqarpoq, illuliat inaarutaasumik ilusilersorneqarnissaat apeqqutaatillugu. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik 
Angallanneq pilersuinerlu Nunaminertaq aqqusinertigut maanngaanniit sullinneqarpoq Pilaffimmut 
Eqqissisimatitat allanngutsaaliukkallu Immikkut aaliangersagartaqanngilaq 
Immikkut aalajangersaaffigisat Nunaminertaq helistop-imut akornusersuutitaqarfiusussaanngitsumik killiliussap (timminermi qulaanneqartartumut aamma qangattarsartarfimmut) iluaniippoq, tassani sanaartukkat qaliaasa qummut portunerpaaffissaat aamma sanaartukkat sivinganeri assigiingisitaarput qangattarsartarfimmiit aamma mikkiartortarfimmiit naatsorsuullugit. 
Immikkut aalajangersakkat Nunaminertami qanorluunnit ilusilinnik, pujoralammik, putsumik, nipiliornermik, arlaatigulluunniit avatangiisimut nunaminertamilluunnit atuisunut, annertuumik iluaalliortitsissutaasinnaasunik ingerlatsisoqassanngilaq 


Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 6-9-2016