Uaniipputit: Saqqaa Illoqarfiit nunaqarfiillu pilersaarutaat Nunaminertanut pilersaarutit Akuerisaq 1500-B04

1500-B04  Kangerloqqissoq

Sumiiffik - illoqarfik / nunaqarfik
Uummannaq

Siunertaq
Inuussutissarsiornermut atorneqartut umiarsualiveqarfiillu

Atorneqarnissaa immikkut ittumik
Sumiiffiit inuussutissarsiornermut atorneqartut umiarsualiveqarfiillu

Atorneqarnissaa
Aaliangiunneqarpoq nunaminertaq umiarsualiveqarnermik siunertanut, talittarfinnut, sissarsuarnut, quersuarnut umiarsualivimmilu ingerlatanut allanut assingusunut atorneqassasoq. Imartaa kisarsimaarfittut pituttortarfittulluunniit atorneqarsinnaavoq

Pissutsit atuuttut
Nunaminertap annertussusiata 1 ha missiliorpaa

Sanaartorfik
Nutaanik sanaartortoqarsinnaavoq annerpaamik 12,0 meterinik portussusilinnik

Inissaq sinneruttoq
Nunaminertami inissaq sinneruttoq 8.000 m² illuliat inaarutaasumik ilusilersorneqarnissaat apeqqutaatillugu. Sanaartorfissatut periarfissat qulaaniittut tamakkerneqareerpata, nunaminertaq tamakkerluni sanaartorfiusimasutut natsorsuutigineqalissaaq, inissamik sinneqarfiunngitsumik

Angallanneq pilersuinerlu
Nunaminertaq aqqusinertigut maanngaanniit sullinneqarpoq Arsaaffimmut

Eqqissisimatitat allanngutsaaliukkallu
Immikkut aaliangersagartaqanngilaq

Immikkut aalajangersaaffigisat
Nunaminertaq qaartiterutissaasivinnut isumannaallisaanermut killigititap iluaniippoq. Nunaminertap ilaa tamanna sanaartorfigineqassanngilaq, allatulluunniit isumannaallisaanermut killigititanut aaliangersakkanut akerliusumik, atorneqassanani.
Qaartiterutissaasiviit eqqaani angalanermi isumannaallisaanermut killigititaq ataqqineqassaaq, taamaattorli ungaluukkanik assiaqutserneqarsimanngitsup iluani angalaartoqarsinnaajuaannassaaq.
Nunaminertaq helistop-imut akornusersuutitaqarfiusussaanngitsumik killiliussap (timminermi qulaanneqartartumut aamma qangattarsartarfimmut) iluaniippoq, tassani sanaartukkat qaliaasa qummut portunerpaaffissaat aamma sanaartukkat sivinganeri assigiingisitaarput qangattarsartarfimmiit aamma mikkiartortarfimmiit naatsorsuullugit.

Immikkut aalajangersakkat
Nunaminertaq atorneqassappat aqqusineeqqanik pilersitsisoqassaaq, kikkulluunniit sissamit ingerlaffissaqarnissaat qulakkeerniarlugu

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 23-5-2017