Kikkut nunaminertanik agguaassisarpat?

§ 3 Nunaminertanut pisussaaffeqarneq

3.1 Kommunalbestyrelsi illoqarfinni, nunaqarfinni asimilu nunaminertanut tamakkisumik akisussaavoq. Nunaminertamik agguaassisoqartillugu, nunaminertamut aaliangersimasumut erseqqissumik killilikkamut, atuinissamut tunniussisoqartarpoq.

Nunaannartami nunaminertanut atatillugu tusarniaanernut immikkut ittutut piumasaqaatit, immikkut ittutut malittarisassiani takuneqarsinnaasut atuupput.

3.2 Taamaattorli Naalakkersuisut nunamimertap atorneqarnissaanut akuersissuteqarsinnaapput sanaartornermi inatsisit aamma nuna tamakkerlugu pilersaarusiornermi maleruagassat naapertorlugit, takuuk Pilersaarusiornermut inatsimmi § 38 imm. 4. Aammattaaq Naalakkersuisut ingerlatanut nunaminertanik agguaassisinnaapput Aatsitassanut inatsit naapertorlugu, takuuk § 87 imm. 2.

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 8-4-2014