Maalaaruteqarnernut najoqqutassiat

§ 13 Maalaaruteqarnernut najoqqutassiat

13.1 Kommunalbestyrelsip suliani nunaminertanut tunngassutilinni aalajangiussinera Naalakkersuis-unut maalaarutaasinnaavoq. Maalaarut Kommunalbestyrelsip aalajangiussinermik nalunaaruteqarnerata kingornatigut kingusinnerpaamik sap. akunnerisa 8-t kingorna tunniunneqassaaq. Naammagittaalliuutit toqqaannartumik Naalakkersuisunut imaluunnit Qaasuitsup Kommunianut nassiunneqarsinnaapput, suliap kommunimi ingerlanneqarsimanera pillugu oqaaseqaatitalerlugu Naalakkersuisunut ingerlatitseqqittussamut.

13.2 Maalaarutaasumi Namminersorlutik Oqartussat aalajangiussinerat inaarutaavoq, aqutsisunilu oqartussaasoqarfimmut allamut maalaarutigineqarsinnaanani. Aalajangiussineq eqqartuussisoqarfinnut tunniunneqarsinnaavoq. Pisap eqqartuussivinni misiliivigineqarnissaanut piffissamik killiliussassamik aalajangiussaqartoqanngilaq.

13.3 Naalakkersuisut maalaarut kinguartitsisutut kin-guneqartissinnaavaat. Isumaqarluni maalaarutitut pineqartoq isumagineqaqqaartinnagu akuersissut sorlerluunniit atorneqarsinnaanngitsoq.

13.4 Naalakkersuisut maalaarut kinguartitsisutut kin-guneqartippassuk akuersissummik pigisalimmut Kommunalbestyrelse nalunaaruteqarnissamut pisussaaffeqarpoq, sanaartugarisaq imaluunniit iliuuserisassaq aallartinneqassanngitsoq, imaluunniit aallartinneqarsimappat unitsinnneqassasoq.

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 8-4-2014