Nakkutilliineq atuutsitsinerlu

§ 14 Nakkutilliineq atuutsitsinerlu

14.1 Kommune nakkutilliinissamut pisussaatitaavoq, pissutsinillu inatsisinik unioqqutitsisunik Kommunalbestyrelse paasisaqarpat pissutsit nunaminertat atorneqarneranni, inatsisinut naapertuutsinniarnissaanut pisussaaffeqarpoq.

14.2 Kommunimi pilersaarusiornermut oqartussaasut atuinissamik pisinnaatitaasumut imaluunniit piginnittumut sioqqutsisumik nalunaaruteqareerluni peqqussut manna naapertorlugu pilersaarusiornerni nunaminertamut aamma nammineq pigisatut il-lumut sumulluunniit attaveqarnissamik noqqaas-suteqarsinnaavoq nakkutilliinermik suliaqarniarluni, kiisalu uuttortaaniarluni allatullu teknikkikkut suliaqaqqaarniarnernut atatillugu takuuk pilersaarusiornermut nunaminartanullu inatsimmi (§59).

14.3 Pisuni makkunani kommune nunaminertamik atugassiissummik uterteqqissinnaavoq:

  • Atuinissamik pigisaqartup nalunaarutigippagu nunaminertamik atuineq unittoq, takuuk imm. 4.
  • Kommunip paasippagu nunaminertaaq ator-neqarunnaarsimasoq, takuuk imm. 5 - 7.
  • Kommunip nunaminertamik tunniussaqarnermi atugassatitaasut nakkutiginerlunneqarnerat paa-sippagu, takuuk imm. 8 aamma 9.

14.4 Pisinnaatitaaffimmik pigisaqartoq nunaminertamik atugaqarunnaaruni tamatuminnga kommunimut nalunaaruteqarnissamut pisussaaffeqarpoq.

14.5 Nunaminertaq § 11-mi piffissaliussat iluanni atorneqalersimanngippaat nunaminertamik agguaassisimaneq atorunnaassaaq.

14.6 Pisinnaatitaaffimmik pigisaqartoq nunaminertamik atuinerup taamaatinneranut patsisaasumik erseqqissaasumik sap. akunnerinik marlunnik killiffilikkap iluani nassuiaammik saqqummiussaqassaaq. Killiffiliussaq naapertuutsinneqanngippat tiguseqqinnissaq pillugu nalunaarutigisap nassiunneqatigut pissutsinik iluarsiinissamut kommunalbestyrelse iliuuseqarnissaminik aallartisaassaq.

14.7 Annertuumik saliinissaq, aammalu isaterisinnaaneq pillugit piumasaqaateqaateqarnissamik pisus-saqalissappat pisinnaatitaaffimmik piginnittoq nalunaarfigineqassaq, taamaalilluni taanna pissutsinik nalileeqqinnissaminut periarfissinneqarluni, ilanngullugu inuup allap nunaminertap atorneranik ingerlatseqqinnissanik siunertaqarnermi nunaminertami naleqartuusunik tunisaqarnissaminut. Pisinnaatitaaffimmik piginnittup unitsitsinissaq aalajangiusimappagu tiguseqqinneq piviusunngortissaaq.

14.8 Nunaminertamik atugassiinermut piumasaqaatinik atornerluinerit tassaasinnaapput piumasaqaatinik aalajangersimasunik unioqqutitsineq imaluunniit piviusunngortitsinngitsoorneq. Piumasaqaataasut najoqqutarineqanngippata tiguseqqinnissaq pillugu nalunaarutip nassiunneratigut pissutsinik iluarsiiniarluni kommunalbestyrelse alloriarnernik aallartisaassaaq.

Qinnuteqartoq nunaminertamik atugassiissummut pingaarutilinnik pissutsit pillugit sianigalugu imlt. mianersuaalliorujussuarluni eqqunngitsunik paasissutissiisimaguni nunaminertamik atugassiineq atorunnaarsinneqarsinnaavoq. Tamanna sioqqullugu nunaminertamik atugassiissummik piginnittoq allakkatigut nalunaarfigineqassaaq, nutartikkamillu suliap isumagineqarnissaa siunertaralugu paasissu-tissanik eqqortunik saqqummiussinissaminut sivikinnerpaamik sap. akunnerinik marlunnik piffissamik killiliiffineqarneranik nalunaarfigineqarluni.

§ 15 Iliuusereriikkanut kingunerititat

15.1 Illumik imaluunniit ingerlatsivimmik qaqugumul-luunniit piginnittuusoq imlt. nunaminertamik atu-isuusoq pissutsinik inatsisinik unioqqutitsisunik uppernarsaanissaminut pisussaatitaavoq, aamma Pilersaarusiornermut Inatsimmi § 62 naapertorlugu iliuusereriikkaminut kinguneqartitsivigisassaalluni.

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 19-6-2014