Uaniipputit: Saqqaa Pilersaarutit nunaminertanillu agguaassisimanerit suut atuuppat?

Pilersaarutit nunaminertanillu agguaassisimanerit suut atuuppat?

Kommunalbestyrelsip ulloq 26.03.2014 Kommuneplani 2014-26 akuersissutigaa ullorlu 01.05.014 pilersaarut avammmut nalunaarutigalugu. Pilersaarummut siunnersuut tamanut ammasumik tusarniaassutigineqarpoq piffissami 04.21.2013 – 10.02.2014. Tusarniaanerup ingerlanerani akissuteqaatit arlallit tunniunneqarput, taakkualu Kommunalbestyrelsimi suliarineqareerput, taamaattumillu pilersaarut avammut nalunaarutigineqartoq siunnersuutaasumiit arlalitsigut allaanerussuteqarpoq.

  • Qaasuitsup Kommuneplania 2014-26 tassaavoq kommunip nutaap Qaasuitsup Kommuniata, 2009-mi kommunit iluarsaateqqinneqarneranni pilersinneqartup, ataatsimoortumik pilersaarutaa siulleq. Manna ilutigalugu siusinnerusukkut kommuniusimasut arfineq pingasuusut ataasiakkaarlutik kommuneplanerisimasaat arfineq pingasuusut atorunnaarput, pilersaarullu nutaaq manna Qaasuitsup Kommuneplania 2014-26, kisimiilluni atuutilerpoq.
  • Qaasuitsup Kommuniani siunissami pilersaarusiorneq allaffissornermilu ingerlatsineq tamarmi, tunngaviusumik pilersaarut ataatsimoortoq, Qaasuitsup Kommuneplaniata 2014-26-p iluaniittoq, aallaavigalugu ingerlanneqassaaq.
  • Inatsisinik tunngavilimmik nunaminertanik agguaassisimanerit tamarmik atuutiinnarput. Nunaminertamik agguaassineq immikkoortortamut pineqartumut kommuneplanimi aaliangersakkat, kommuneplanikkut aaliangersaavigineqarsimasut malillugit ingerlanneqassaaq, aamma nuna tamakkerlugu pilersaarusiornermi soqutigisanut, matumani Namminersorlutik Oqartussat nunap immikkoortui pillugit inatsisiliaannut imaluunnit nuna tamakkerlugu pilersaarusiornermi soqutigisat aaliangersimasut pilersaarusiorfigineqarneranut, aporaaffeqassanatik.
  • Inatsisit malillugit nunaminertanut agguaanneqarsimasunut tamanut, oqariartaaseq, inatsisit malillugit atuinerup ingerlaqqinnera, atuuppoq, tamanna imannak isumaqartoq, tassalu inatsisit malillugit nunaminertamik tunniussisimaneq, aaliangersakkat siusinnerusukkut atuuttut, aaliangersakkatigulli nutaatigut atorunnaarsinneqarsimasut, tunngavigalugit tunniunneqarsimasoq, inatsisit eqqortillugit tunniunneqarsimasutuut atuutiinnassaaq aamma piginnittoq allannguuteqaraluarpalluunniit. Taanna aamma atuuppoq, nunaminertamik agguaassisimaneq, tunngaviusumik pilersaarutinut nutaanut naapertuutinngikkaluarpalluunnit.
  • Kommuneplanip immikkoortortaanut siusinnerusukkut aalingersagaasimasut nassuiaatitallit akuerisat (aamma kommuneplanitoqqat aaliangersagartaat) atuutissapput, pilersaarutinik nutaanik taarserneqarnissamik tungaannut. Kommuneplanip aaliangersagartaanut pingaarnernut aamma aaliangersakkanut nassuiaasersukkanut (aamma kommuneplanitoqqani aaliangersakkanut) aporaaffissartaqarsimappata, taava aaliangersakkat pingaarnerit atuutissapput. Imaappoq, annertuunik illuliortoqartillugu sanaartortoqartillugulu, taava aaliangersakkanik nassuiaasersukkanik nutaanik suliarinnittoqartassaaq.
Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 1-5-2014