Anguniakkat

Takorluuinermiit suliaqarnermut

Kommunip politikkia suliniutaalu tamakkerlutik takorluukkap piviusunngortinnissaanut sammissapput, aammalu kommunip pingaartillugit naleqartitaanik sisamaasunik ersersitsissallutik: Ataatsimuussuseq, Ilikkagaqarneq, Amerlassuseq aamma Tikiffikkuminartuuneq. Tamanna aamma kommuneplanimut atuuppoq.

Kommuneplanip imarissavai, anguniakkami ineriartornermut nunaminertallu atorneqarnissaannut, siunniussat. Taamaalilluni suliniuteqarfiit tamakkerlutik siunnerfeqarput, pilersaarusiornerup ingerlanneqalerneratigut aallartinneqartussanik. Kommunalbestyrelsi, siuniussat tamakkua aallaavigalugit pilersaarusiorfimmi 2026-p tungaanut, sulissaaq.

Suleriusissatut pilersaarummi, suliniuteqarfissatut pingaarutillit 10-t toqqarneqarput, Qaasuitsup Kommuniata pitsaasumik siunnerfimmullu naapertuuttumik ineriartornissaata qulakkeernissaanut annertuumik pingaaruteqartussat, aammalu pilersaarusiorfiup ingerlanerani pingaarnersiuinernut aaliangernernullu toqqammaviusussat.

Inuussutissarsiutinik ineriartortitsineq

Suliniuteqarfissat ilarpassui pilersaarutip ingerlanneqalerneranut toqqaannartumik attuumassuteqarput, ilaali ileqqussamittut kommunip suliniuteqarfiisa allat iluiniillutik. Taamaattorli eqqaamassallugu pingaaruteqarpoq, Qaasuitsup Kommuniata suliassaataasa suliarinissaat unammilligassaasalu sillimaffiginissaat pillugit, ilivitsuusutut, kommunimilu ingerlatsiviit susassaqarfiilu assigiinngitsut akimorlugit sulisoqartariaqarnera.

Pissutsinik, inatsisiliornernik allanik aqunneqartunik, ingerlatsineq

Qaasuitsup Kommunia qulequttanik assigiinngitsunik, ilaatigut kommuneplanimut ilanngunneqanngitsunik imalluunnit ilaannakortumik ilannguneqartunik suliaqartarpoq, inatsisitigut, siunertamut tunngatillugu aaliangersakkatigut, malittarisassatigut nalunaarusiatigullu aaliangersaaffigineqareersimasunik. Taamannak pisoqartillugu qulequttat tamakkua kommuneplanimut ataqatigiissaarneqartarput, pingaartumik piviusumik annertussusissaannut, nunaminertanullu, tunngatillugit. Qulequttat akuttunngitsunik, illoqarfinni nunaqarfinnilu, illut akorninut tunngasuusarput.

Taamaattumik pilersaarusiorfimmi atuutilersussami naatsorsuutigineqarpoq, ilaatigut makkua suliarineqassasut: