Atuarnissaanut ilitsersuut

Kommuneplani immikkortunut sisamanut aggugaavoq, soorlu qulaani imarisaanut takussutissat ersersikaat:

Takorluugaq aamma sammivilersuutit pingarnerit kommunimut tamarmut sammisuupput. Tassani takusinnaavatit pilersaarummut allamut attuumassuteqartoqarneranut nassuiaat, aamma killiffiup allaaserineqarnera, ukiuni kingullerni ineriartorsimanermik oqaluttuartoq.

Illoqarfinnut nunaqarfinnullu pilersaarutit imaraat, kommunimi inoqarfiit 40-sut allaaserineri, innuttaasunut, illoqarnermut, inuussutissarsiutinut, angallannermi periarfissanut pilersuinermullu, pisortat namminersortullu sullissinerannut, kiisalu kulturimut sunngiffimmullu, tunngatillugu. Inoqarfinni tamani anguniakkat ineriartornerlu allaaserineqarput. Illoqarfinnut nunaqarfinnullu pilersaarutit imaraat aaliangersakkat pingaarnerit, aamma inoqarfinni nunaminertanut immikkuualuttunut aaliangersakkat, taakkuuppullu nunaminertat inuussutissarsiornermut illuliornermullu atugassat, nunaminertat qitiusoqarfiit, nunaminertat pisortat sulineranni atugassat allallu. Aaliangersakkat atuinissamut, sanaartornermi pissutsinut, aqqusinernut aqqusinneeqqanullu il.il., tunngasuusinnaapput. Aammattaaq illut nunaminertallu eriagisariallit toqqartorneqarput

Asi tassaavoq nunaminertat illoqarfiit nunaqarfiillu avataanniittut. Nunaminertat tamakkua assigiinngitsunut tallimanut immikkoortiterneqarput, immikkoortullu ataasiakkaat tamanut atuuttunik aaliangersaavigineqarlutik.

Nunaminertanik agguaassineq, pingaarnertut pilersaarusiaq tunngavigalugu nunaminertanik agguaassinermut malittarisassanik, aaliangersagartaqarpoq.