Pilersaarutip nassuiaatitaa

Pilersaarummut nassuiaat tassaavoq, ataatsimoorussamik kommuneplanip nutaap aallaviata annertunerusumik paasisaqarfiginissaanut, sakkoq pitsak. Pilersaarummut nassuiaat tassaavoq pilersaarutinut allanut tunngassutai pillugit allaaserisaq - assersuutigalugu nuna tamakkerlugu pilersaarummut, aningaasaqarnermut pilersaarummut, kommunip pilersaarutaanut maannamut atuuttumut il.il.

Kommunip pilersaarutaata maannamut atuuttup ilaatigut imarai, kommuniusimasut arfineq pingasut kommuneplanii aamma ataatsimoorluni suleriaatsimut pilersaarut ”Suleriaaseq 2020” – tassaasoq Qaasuitsup Kommuniata ukiunut tulliuttunut 12-nut pilersaarusiornerani suleriaaseq, matumani, naleqartitat, takorluukkat aamma suliniuteqarfiit pingaarutllit.

Pilersaarusiap maannamut atuuttup aammattaaq imarai , lokalplanit, kommuneplaninullu ilassutit arlalissuit, taakkununnga ilaalluni kommuneplaninut ilassut annertungaatsiartoq nunaminertanut arlalinnut, suliffeqarfiit offshore-mut attuumassutillit suliaannut tunngasut. Kommuneplanimut ilassut suliarineqarsimavoq, annertuumik nalilersuisimaneq ”Offshore-Onshore” (2011-mi) tunngavigalugu, tassani sanaartorfissat arlallit toqqarneqarsimallutik. Kommuneplanip ilassutaata periarfissaqartilerpaa, sinerissap avatanni suliffeqarfiit maannangaaq nunaminertanik agguaassivigineqarsinnaanerat, illulianut sanaartukkanullu assigiinngitsunut atorneqartussanik.

Kommuneplanitoqqat arfineq pingasut eqikkarneri, aamma tamanut ammasumik tusarniaareernerup kingornatigut allannguutit:

 Kommuneplanitoqqat allannguutaannik.pdf (42.3 KB)

Tamanut ammasumik tusarniaanermi akissutit suliarineri atuakkami pisortatigoortumi katersorneqarput, link-i ataaniittoq atorlugu iserfigineqarsinnaasukkut:

 Akuakkami qaqortumi.pdf (277.4 KB)