Illoqarfiit aamma ineqarnerup ineriartornera

Pilersarusiorfiup ingerlanerani, kommunip, kommuneqarfittut najugaqarfissaqqittutut inissisimanissaa, immikkut pingaartinneqassaaq. Tamanna imannak paasineqassaaq, suliffissanik ilinniagaqarnissamullu periarfissanik, kiisalu inissiaqarfinnik pilerinartunik aamma sullissivinnik pitsaasunik, neqerooruteqartoqarsinnaasariaqarpoq – pissutsit ilaatigut nunaminertanut pilersaarusiorneq aqqutigalugu qulaakkeerneqartussat.

Ukiuni aggersuni illoqarfiit ineriartortinneqarnerat illoqafinnut anginerusunut eqiterutsinneqassaaq – Ilulissat, Aasiaat aamma Upernavik – annikinnerusumillu illoqarfiit sinnerinut nunaqarfinnullu, inuussutissarsiutinut offshore-mut atuumassuteqartunut ingerlatsivinnullu taakkua malitsigisaannut nunaminertanik atugassiinikkut, takuuk immikkortoq ”Aatsitassanik tunisassiorneq”. Kommuneplani 2014-2026 nunaminertanik annertuunik atugassiisoqarnissaanik imaqanngilaq, annermilli nunaminertat pioreersut atorneqarfissaat iluarsartuunneqarlutillu nalimmassarneqarput.

Oqartoqarsinnaaneruvoq illoqarfinnik allerineq pinnagu illoqarfinnik allanngortitserisoqartoq, assersuutigalugu illunik taartaasunik sanaartorneq aamma illunik nungullarsimasunik isaterineq. Illoqarfinni unammilligassaq annertooq taassaavoq, suliffissaqartitsinerup inissimaffiata, sumiiffimmi aningaasatigut nammattumik ingerlatsinermik qulakkeerinnissutaasinnaasup, attatiinnarnissaa. Taamaattumik pingaartinneqarpoq, suliffissaqartitsinerup ikorfartorneqarnissaa, inoqarfinni ataatsiakkaani periarfissat nukittuffii aallaavigalugit. Suliffissat pitsaasumik ineriartornerisa pissusissamisoortumik malitsigissavaat illoqarfiit ineriartornissaanik pisariaqartitsineq, matumani nutaanik illuliorneq, nunaminertat illuliorfissatut atugassiissutaareersut iluini inissaqarsinnaasutut naatsorsuutaareersunik.

Kommunip illoqarfiini nunaqarfiinilu inissaqassasuseq ataatsimut isigalugu illut 4200 missinginut naapertuuppoq. Taakkua qaavannut ilineqassapput qitiusumiit sullissivinnut ataatsimoorlunilu ingerlatsivinnut assingusunut inissat missingi.

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 14-1-2014