Uaniipputit: Saqqaa Tusarniaanermut - Immikkut ittumik akuersissutit

Tusarniaanermut - Immikkut ittumik akuersissutit

Kommunimut pilersaarutimmiit ataasiakkaanut aalajangersakkaniit akuersisutaagallartut.

 

19.04.2017

Nunaminertamik atugassinneqarnissamik qinnuteqaatip tusarniaaviginera Qaanaami

Ilaqutariit illuannik nutaamik sananissamut nunaminertamik atugassinneqarnissamik qinnuteqaammik Qaasuitsup Kommunia tigusaqarnikuuvoq, illu immikkoortortaq 1700-A08-imi Qaanaami, inissiaqarfimmi meeqqeriviup eqqaaniittumi sananeqassasoq kissaatigineqarpoq. Immikkoortortami A08-mi sanaartorfiunngitsumi sanaartorfissanik 15-inik peqartumi inissisimavoq, nunaminertami qinnutigineqartumi sanaartorfissanik atugassiisoqarnikuunngilaq, taamaattumik una qinnuteqaat tamanut saqqummiunneqarpoq, Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-imeersumi § 43 naapertorlugu.

Nunaminertamik atugassinneqarnissamik qinnuteqaatip tamanut saqqummiunneqarneranut atatillugu, qinnuteqaammut akerliliissutinik nassiussinissamut periarfissaqarpoq, piffissami ulloq 19.04.2017-imiit ulloq 03.05.2017 ilanngullugu. Akerliliissutit tiguneqarsimasinnaasut, nunaminertamik atugassinneqarnissamik qinnuteqaammik suliarinninnermut atatillugu suliamut ilanngunneqarumaarput.

Sanaartorfissap inissisimaffia uani takuneqarsinnaavoq:

Tusarniaanermut akerliliissutissaqaruit/akerliliissutissaqarussi, taakku kingusinnerpaamik kommunimit tiguneqariissapput ulloq 03.05-2017.

Akerliliilluni nalunaarnerit aamma oqaaseqaatit uunga nassiunneqassapput:
Qaasuitsup Kommunia
Pilersaarusiornermut immikkoortortaqarfik
Kommunip allaffia
Postboks 1023
3952 Ilulissat
plan@qaasuitsup.gl

 

08.03.2017

Aasianni pigineqatigiilluni inissiat sisamat immikkut ittumik qinnuteqassutaasa tamanit tusarniutigineqarneri.

Qaasuitsup Kommuniata Aasianni immikkoortortaq A21-imi piginneqatigiilluni inissiat sisamat sananeqarnissaannut qinnuteqaat ataaseq tiguaa. Inissiat qinnuteqaassunneqartut immikkoortortami nunaminertat sanaartorfissat avataanniipput aamma qinnuteqartup nunaminertat sanaartorfissatut immikkoortitat sisamat inissiivissamisut kissaamminut nuunneqarnissaat qinnutigai. Nunap assinga qulaaniittoq takuuk.

Immikkoortortap pilersaarutaata atuuttup immikkut ittumik akuersissuteqarfigineqarnissaanik taakkua piumasaqaatitaqarput.

Attaveqaatinut, sanaartornermut avatangiisinullu ataatsimiititaliaq taamaattumik aalajangerpoq pilersaarut immikkut ittumik akuerineqarniassammat tamanik ulluni 14-ini tusaniutitut nassiunneqassasoq.

 

 

Pilersaarutip immikkoortortaq atuuttoq allanngortissanngilaa, nunaminertalli sisamat sanaartorfissatut immikkoortitat inissisimaffissaat allanngortissallugu, soorlu nunap assingani qulaani takuneqarsinnaasoq.

Qinnuteqaat akerliuffigalugu nalunaarutissaqaruit/-ssi imaluunniit oqaaseqarusukkuit/-ssi kommunip pilersaarutaata nittartagaanut toqqaannartumik allallutit imaluunniit mailimut allallutit tusarniaanermi akissutit kommunimut tunniussinnaavat/-varsi. Taakkununnga ilanngullugu fil-inik aamma ilanngussisinnaavutit/-si. Akissutitit najukkarni Sullissivimmut aamma tunniussinnaavatit imaluunniit kommunimut nassiussinnaavatit/-si.

Tamanik tusarniaanerup kingorna akerliulluni nalunaarutaasinnaasut aamma allannguutissatut siunnersuutaasinnaasut suliarineqassapput.

Tamanik tusarniaaneq piffissami uani pissaaq: ulloq 08.03.2017-mit ulloq 22.03.2017-mut.
Tusarniutigineqartumut akerliullutit nalunaarutissaqaruit/-ssi imaluunniit oqaaseqaatissaqaruit/-ssi taakkua kingusinnerpaamik kommuniissapput ulloq 22.03.2017.

Akerliulluni nalunaarutit aamma oqaaseqaatit uunga nassiunneqassapput:
Qaasuitsup Kommunia
Pilersaarusiornermut immikkoortortaqarfik
Kommunip allaffia
Postboks 1023
3952 Ilulissat
plan@qaasuitsup.gl

 

17.01.2017

Ikerasammi aalisakkanik tunisassiorfiliornissamut immikkut ittumik akuersissut.

Ikerasaap avannamut kitaatungaani immikkoortortami B1-imi aalisakkanik tunisassiorfiliorfimmik sanaartornissaq pillugu qinnuteqaammik Qaasuitsup Kommunia tigusaqarnikuuvoq. Immikkoortoq qinnuteqaatigineqartoq tunisassiorfiliorfissamut sanaartorfissap pioreersup avataani inissisimavoq. Taamaattumik suliniummut immikkut ittumik akuersissut ulluni 14-ini tamanut tusarniutigineqassasoq Attaveqarnermut, Sanaartornermut Avatangiisinullu ataatsimiititaliaq aalajangiivoq. 

Immikkoortortaq pioreersoq suliniutip allanngortitsiffiginngilaaq, taamaattoq tunisassiorfiliassamut sanaartorfissaq piusoq avannamut illikartinneqassaaq, nunap assingani takutinneqartutuut.

 

 


Tamanik tusarniaaneq piffissami uani pissaaq ulloq 03.01-2017-miit ulloq 17.01-2017-mut.
Illit/ ilissi tusarniaanermut akerliulluni nalunaaruit/-ssi imaluunniit oqaaseqaatissaqaruit/-ssi taakkua kingusinnerpaamik kommunimut ulloq 29.03-2016 tunniutereersimassavat/-ssi.

Akerliliilluni nalunaarnerit aamma oqaaseqaatit uunga nassiunneqassapput:
Qaasuitsup Kommunia
Pilersaarusiornermut immikkoortortaqarfik
Kommunip allaffia
Postboks 1023
3952 Ilulissat
plan@qaasuitsup.gl

19.05.2016

Immikkoortortami C15-imi, Hotel Icefjord, Ilulissat, ilaqutariit illuannut nutaamut nunaminertamik atugassiineq pillugu tusarniaaneq nutaaq.

Sanaartorfimmi b nr-1690-imi, immikkoortortaq C15-imi, Hotel Icefjord-ip eqqaaniittumi, Ilulissat, biilinut eqqussisarfimmik taarsiilluni ilaqutariit illuanik nutaamik sananissamut, nunaminertamik atugassiinissamik qinnuteqaat, Qaasuitsup Kommuniata piffissami 15.03-2016-imiit ulloq 29.03-2016 tikillugu tamanut tusarniutigalugu ingerlappaa. Kommunip pilersaarutaani sanaartorfissatut atugassiissutigineqarmut sanilliullugu illup sammivissaa allanngortinneqassasoq kisaatigineqarpoq, taamaattumillu kommunip pilersaarutaani immikkut ittumik aalajangersakkaniit qinnuteqaat immikkut ittumik akuersissummik pisariaqartitsivoq.

Tusarniaanerup ingerlanerani akerliliissutit tallimat tiguneqarnikuupput. Taamaattumik illu pillugu isigisinnaasamik takussutissamik ilassuteqarluni tusarniaaneq nutaaq ingerlanneqarpoq. Takussusissiami takuneqarsinnaapput illunit sanilerisanit isikkiviit kiisalu illup nutaap illoqarfimmut tamakkiisumut atatillugu qanoq isikkoqarnera, ilanngussatut ilanngussaq takuuk.

Attaveqarnermut, Sanaartornermut Avatangiisinullu ataatsimiititaliaq ataatsimiinnermini 05/16 ulloq 20. april 2016-imi aalajangerpoq, qinnuteqaat illu pillugu isigisinnaasamik takussutissamik ilaqartoq nutaamik ulluni 14-ini eqqaamiunut tusarniutigineqarluni saqqummiunneqassasoq. Tusarniaanerup ingerlanerani akerliliissutinik pingaaruteqartunik kommuni tigusaqanngippat, atorneqarumasutut kissaatigineqarlumut nunaminertamik atugassiissut tunniunneqassaaq.

Tamanut tusarniaaneq ingerlanneqassaaq piffissami ulloq 19.05-2016-imiit ulloq 02.06-2016 tikillugu.
Tusarniaanermut akerliliissutissaqaruit/akerliliissutissaqarussi, taakku kingusinnerpaamik kommunimit tiguneqariissapput ulloq 02.06-2016.

Akerliliilluni nalunaarnerit aamma oqaaseqaatit uunga nassiunneqassapput:
Qaasuitsup Kommunia
Pilersaarusiornermut immikkoortortaqarfik
Kommunip allaffia
Postboks 1023
3952 Ilulissat
plan@qaasuitsup.gl

 

19.05.2016

Immikkoortortami 1200-A29-mi, Nuussuattaap Aqqutaaniittumi, Ilulissat, sanaartorfissap allanngortinnera pillugu tusarniaaneq.

Sanaartorfissami 1.1-imi, immikkoortortaq A29-miittumi, Nuussuattaap Aqqutaa, Ilulissat, ilaqutariit illuannik nutaamik sanaartornissamut nunaminertamik atugassinneqarnissamik qinnuteqaammik Qaasuitsup Kommunia tigusaqarnikuuvoq. Qinnuteqaat sanaartorfissamit immikkut ittumik akuersissummik pisariaqartitsivoq, immikkoortoq immikkut ittumik aalajangersakkanik piumasaqaateqarfiummat, ilanngussatut ilanngussaq takuuk.

Qaasuitsup Kommuniata kommunimut pilersaarutaani 2014-26-mi, illut ilusilersorneqarnissaannut immikkut ittumik aalajangersakkat immikkoortortamut atugassat aalajangersarneqarnikuupput, taakkunani illut qaliaasa assigiimmik sivingassuseqartumik imaluunniit illuatungaanut uingaartumik sananeqarnissaat oqariartuutigineqarpoq. Tassunga piumasaqaammut immikkut ittumik akuersissuteqartoqarnissaa qinnuteqaatigineqarpoq, tassa qinnuteqartup illu toqqissumik qaliaqartoq sananeqassasoq kissaatigimmagu. Illup angissusianut ilusilersorneqarneranullu sanaartorfissaq naleqqussarneqassasoq kissaatigineqarpoq, taamaammat kommunip pilersaarutaata immikkut ittumik aalajangersagartaanit immikkut ittumik akuersissuteqarnissaq qinnuteqaat pisariaqartitsivoq.

Attaveqarnermut, Sanaartornermut Avatangiisinullu ataatsimiititaliaq ataatsimiinnermini 05/16 ulloq 20. april 2016-imi aalajangerpoq, qinnuteqaat ulluni 14-ini eqqaamiunut tusarniutigineqarluni saqqummiunneqassasoq. Tusarniaanerup ingerlanerani akerliliissutinik pingaaruteqartunik kommuni tigusaqanngippat, atorneqarumasutut kissaatigineqarlumut nunaminertamik atugassiissut tunniunneqassaaq.

Tamanut tusarniaaneq ingerlanneqassaaq piffissami ulloq 19.05-2016-imiit ulloq 02.06-2016 tikillugu.
Tusarniaanermut akerliliissutissaqaruit/akerliliissutissaqarussi, taakku kingusinnerpaamik kommunimit tiguneqariissapput ulloq 02.06-2016.

Akerliliilluni nalunaarnerit aamma oqaaseqaatit uunga nassiunneqassapput:
Qaasuitsup Kommunia
Pilersaarusiornermut immikkoortortaqarfik
Kommunip allaffia
Postboks 1023
3952 Ilulissat
plan@qaasuitsup.gl

 

18.05.2016

Illorsuup inissifissaanut akuersisutaagallarttoq pillugu tusarniaaneq

Sanaartorfissap inissiffissaa kiisalu illorsuup saniliinut sanilliullugu ungasissusissaa pillugu sanaartornermi malitarisassat pillugit kommunimni pilersaarummi ataasiakkaanut aalajangersakkaniit akuersissuteqarallarnissaa siunertaralugu Qaasuitsup Kommunia tusarniaavoq.

Tusarniaaneq sanaartorfissap inissinneqarfissaata kommunimi pilersaarummut sanilliullugu allanngortinneqarneranut tunngasuteqarpoq. ASSILIAQ 1.

Aammattaaq tusarniaaneq sanaartornermi malittarisassani illut akornanni ungaasissusissat annikillisinneqarnerannut tunngassuteqarpoq. ASSILIAQ 2.

Tusarniaaneq ingerlanneqarpoq ilaatigut paasineqarmat nunaminertami tunniunneqartumi inissiivissamik attassinngitsumik sanaartorneq aallartisarneqarsimammat; kiisalu aqqusinermiit sanaartorfissap killinga ilaatigut kommunimi pilersaarummi sanaartorfissatut inissiiviup allanngortinneqarneranik pissuteqartumik.

Qinnuteqaat tamanut tusarniutigineqarluni saqqummiunneqassaaq piffissami uan: 18.05.2016-imiit ulloq 09.06.2016 ilanngullugu.


ASSILIAQ 1


ASSILIAQ 2

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tusarniaaneq pisortatigortumik ingerlanneqareerpat akerliissutaasinnaasut imaluunniit allannguutissatut siunnersuutaasinnaasut suliarineqassapput, ta¬matumalu kingorna siunnersuut inaarutaasumik akuersissutigineqassaaq.

Tusarniaanermut akerliinissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 09.06.2016.

Akerliliilluni nalunaarnerit aamma oqaaseqaatit uunga nassiunneqassapput:
Qaasuitsup Kommunia
Pilersaarusiornermut immikkoortortaqarfik
Kommunip allaffia
Postboks 1023
3952 Ilulissat
plan@qaasuitsup.gl

 

06.05.2016

Ilulissani, immikkoortortaq C20-mi illup quitut maannakkut atorneqartup, najugaqarfittut illunngorlugu allanngortinnissaa pillugu tusarniaaneq.

Illup quitut atorneqartup, immikkoortortami C20.1-imi, Timersortarfik, Ilulissani Peter Rosingip Aqq. Aamma Jens Olsenip Aqq. akornanni inissisimasup, atorneqarnerata allanngortinneqarnissaanik kissaateqaat Qaasuitsup Kommuniata tigunikuuaa. Illu quitut maannakkut atorneqartoq, nunaminertamik atugassiinermi normoqarpoq 165-imik aamma ilaqutariit illuattut atorneqarsinnaanngorlugu allanngortikkumaneqarpoq.
Atorneqarnissaanut nutaamut (igalaanut tunngassuteqartut) tunngatillugu paasisaqarumalluni, eqqaamiorisat sapaatit akunnerini pingasuni tusarniarneqartussaapput. Sanaartorneq pillugu Inatsisartut inatsisaat nr. 13, 26. maj 2010-meersumi, tak. § 22 imm. 2.

Quip atorneqarnerata, najugaqarfinngorlugu allanngortinneqarnissaa kissaatigineqarpoq, matumanilu kommunip pilersaarutaanit sukumiisumik aalajangersakkat § 12.1-iannit immikkut ittumik akuersissuteqarnissaq piumasaqaataavoq, tassa nunaminertaq ullumikkut sanaartorfissatut atugassiissutigineqarnikuunngimmat. Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-imeersumi, tak. § 45 imm. 2 & § 50.

Taamaalilluni qinnuteqaat eqqaamiorisanut sapaatit akunnerini pingasuni tusarniaassutigineqarluni saqqummiunneqartussaavoq. Tusarniaanerup ingerlanerani akerliliissutinik pingaaruteqarsinnaasunik kommuni tigusaqanngippat, atorneqarnissaatut kissaatigineqartumut nunaminertamik atugassiissuteqartoqassaaq.


Tamanut tusarniaaneq piffissami ulloq 06.05-2016-imiit ulloq 27.05-2016 ilanngullugu ingerlanneqassaaq.

Akerliliissutissaqaruit/akerliliissutissaqarussi imaluunniit tusarniaanermut oqaaseqaatissaqarlutit/si, taanna kingusinnerpaamik ulloq 27.05-2016-imi kommunimit tiguneqareersimassaaq.

Akerliliilluni nalunaarnerit aamma oqaaseqaatit uunga nassiunneqassapput:
Qaasuitsup Kommunia
Pilersaarusiornermut immikkoortortaqarfik
Kommunip allaffia
Postboks 1023
3952 Ilulissat
plan@qaasuitsup.gl

 

15.03.2016

Ilulissani immikkoortortaq C15-imi, Hotel Icefiord-ip eqqaani, ilaqutariit illuat ataaseq nutaaq sananiarlugu nunaminertamik atuisinnaanermut akuersissuteqarnissap tusarniutigineqarnera.

Qaasuitsup Kommuniata Ilulissani immikkoortortaq C15-imi, Hotel Icefiod-ip eqqaani, B nr. 1690-p inaata massakkut nalaani biiliisivik taarserlugu ilaqutariit illuannik ataatsimik nutaamik sananermut nunaminertamik atuisinnaanermut qinnuteqaat ataaseq tiguvaa. Qinnuteqartup illu quleriit aappaatut portussusilik sanassallugu kissaatigaa.


Kommunimut pilersaarummi nunaminertaq sanaartorfissatut immikkoortinneqartoq sangutillugu illu sananeqarusuppoq, taamaattumik kommunip pilersaarutaani aalajangersakkat immikkuualuttut naapertorlugit qinnuteqaat immikkut ittumik akuersissuteqarfigineqartariaqassaaq. Taassuma saniatigut qinnuteqartup illumut atasumik biilit uninngasarfissaannik sananissaq kissaatigaa. sanaartorfissap nutaap titartagartaa nunap assingani 1-mi ilanngunneqartumi takuuk.


Attaveqaatinut, sanaartornermut avatangiisinullu ataatsimiititaliap qinnuteqaat pillugu 03/16 ulloq 18.februar 2016-imi ataatsimiinnermi ulluni 14-ini tamanut tusarniutiginiarlugu aalajangerpaa. Tusarniaanerup nalaani malunnaatilimmik akerliulluni nalunaarummik kommuni tigusaqanngikkuni nunaminertamik atugassatut kissaat malillugu akuersissummik tunniussissaaq.


Tamanik tusarniaaneq piffissami uani pissaaq ulloq 15.03-2016-miit ulloq 29.03-2016-mut.
Illit/ ilissi tusarniaanermut akerliulluni nalunaaruit/-ssi imaluunniit oqaaseqaatissaqaruit/-ssi taakkua kingusinnerpaamik kommunimut ulloq 29.03-2016 tunniutereersimassavat/-ssi.

Akerliliilluni nalunaarnerit aamma oqaaseqaatit uunga nassiunneqassapput:
Qaasuitsup Kommunia
Pilersaarusiornermut immikkoortortaqarfik
Kommunip allaffia
Postboks 1023
3952 Ilulissat
plan@qaasuitsup.gl

 

14.01.2016

Tusarniaaneq: Inissiaqarfimmut illu nutaaq aamma sanaartortissanik allannguineq, Ilulissat

Akinnguata Qaavani, immikkoortortaq A30-mi, Ilulissat, inissiaqarfissamut illumut nutaamut nunaminertamik atugassinneqarnissamik qinnuteqaammik Qaasuitsup Kommunia tigusaqarnikuuvoq.

Nunaminertamut sanaartorfissatut immikkoortitanit immikkut ittumik akuersissuteqarfigineqarnissaminik qinnuteqaat piumasaqaatitaqarpoq. Qinnuteqartup inissiat nunaminertani sanaartorfissatut immikkoortitat avataani ilaatigut inissinneqarnissaat kissaatigaa.

Sanaartornermut Avatangiisinullu ataatsimiititaliaq aalajangerpoq, qinnuteqaat ulluni 14-ini tamanut tusarniutigineqassasoq. Tusarniaanerup ingerlanerani kommuni tusarniakkamut tunngatillugu pingaaruteqartumik akerliissummik tigusaqanngippat, qinnuteqaammut nunaminertamik atugassiissut tunniunneqassaaq.

Qinnuteqaat tamanut tusarniutigineqarluni saqqummiunneqassaaq piffissami uan: 14.01.2016-imiit ulloq 28.01.2016 ilanngullugu.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tusarniaaneq pisortatigortumik ingerlanneqareerpat akerliissutaasinnaasut imaluunniit allannguutissatut siunnersuutaasinnaasut suliarineqassapput, ta-matumalu kingorna siunnersuut inaarutaasumik akuersissutigineqassaaq.

Tusarniaanermut akerliinissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 28.01.2016.

Qaasuitsup Kommunia · Postboks 1023 · 3952 Ilulissat · Grønland · www.qaasuitsup.gl · E-mail: plan@qaasuitsup.gl · Tlf.: +299 947800
Kingullermik iluarsineqarpoq 18-4-2017